Një vizitë në Korçë

Qyteti i Korçës është një nga destinacionet e preferuara për t’u vizituar nga turistët në çdo stinë të vitit. Ky vend i bukur me pamje piktoreske tashmë është kthyer edhe në një magnet për turistët e huaj. Arsyet për ta zgjedhur si destinacionin tuaj të radhës janë të shumta, që nga vendet për t’u vizituar, mikpritja e admirueshme dhe ushqimi tradicional që do ju mbesë gjatë në mendje.

Ja se cilat janë disa nga pikat turistike që mund të vizitioni në Korçë:

1. Pazari i Vjetër

Mjafton një vizitë në Pazarin e Vjetër të Korçës për të kuptuar pse ky qytet konsiderohet si Parisi i vogël. Arkitektura e admirueshme reflektohet që në rrugët e shtruara me kalldrëm e deri te ndërtesat karakteristike të stilit tradicional, të cilat janë të shumta. Pazari është kthyer në një qytezë më vete, tepër të preferuar edhe nga vizitorët e huaj. Kafenetë e rreshtuara pranë njëra-tjetrës ju ftojnë të kaloni një pasdite të këndshme nën atmosferën e këtij qyteti magjik, ndërkohë që restorantet e shumta ju mirëpresin për t’ju shërbyer ushqimet tradiconale korçare.

2. Pedonalja

Shëtitja përgjatë pedonales së Korçës nuk është asnjëherë e zakonshme, por e mbushur me histori, art e ndjesi. Aty do të keni mundësi të vizitoni “Katedralen Ringjallja e Krishtit”, e cila është katedralja më e madhe në Shqipëri! Në qendër të qyteti ndodhet monumenti “Ushtari i Panjohur” i realizuar nga skulptori i shquar Odhise Paskali, kështu do mund të njiheni pak edhe me të kaluarën e vendit. Nuk mund të udhëtoni në Korçë e të mos vizitoni shkollën e parë laike! E kthyer në një simbol e në një muze të qytetit, atë do e gjeni pikërisht te Pedonalja. Në fund të shëtitjes suaj do shihni Kullën Panoramike e cila njihet edhe si red Tower, një vepër arkitekturore nga ku mund të vështrohet i gjithë qyteti.

3. Muze

Korça është djepi i kulturës dhe historisë, ndaj edhe muzetë që mund të vizitoni këtu janë të shumtë. Përveç Muzeut Kombëtar të Arsimit i cili tashmë njihet nga të gjithë ne, ju mund të vizitoni :

Muzeun Kombëtar të Artit Mesjetar

Shtëpinë Muze të piktorit Vangjush Mio Muzeu Oriental “Bratko”

Muzeun Arkeologjik

Muzeun “Gjon Mili”