(1) Turet e ndryshme
Zbulimi i Barcelonës gjatë natës është një përvojë krejtësisht ndryshe! Nëse ju intrigojnë historitë e frikshme, mund të provoni turet në vendet ku mendohet se ka fantazma. Kjo do përbënte një eksperiencë drithëruese të cilën s’do e harronit lehtë nga udhëtimi juaj. Nëse dëshironi vetëm të shijoni pak ushqim tradicional, edhe për këtë ka ture të posaçme! Provoni ushqimet tradicionale dhe nëse ju pëlqejnë club-et mjaftueshëm, shijoni jetën e natës plot gjallëri në Barcelonë.
(2) Eventet Sportive
FC Barcelona është klubi profesional i futbollit (futbollit) i qytetit, shpesh i referuar si Barça nga vendasit. Ata luajnë në Camp Nou, një nga stadiumet më të mëdhenj në Evropë, disa ndeshje zhvillohen gjatë ditës, por fatmirësisht mund të gjeni edhe në mbrëmje!
(3) Muzetë
Muzeu i Muzikës i Barcelonës dhe Muzeu Picasso janë të dy të hapur deri në orën 21:30 të mbrëmjes së të enjtes, gjë që e bën të enjten një ditë perfekte për t’i vizituar. Madje Muzeu Picasso është falas të Enjteve nga ora 6:00 pasdite – 21:00! Muzeu i Shkencës është një muze arsimor që është i hapur deri në orën 8:00 pasdite, çdo ditë të javës.
(4) Skena e Muzikës së Barcelonës
Barcelona ka një skenë të gjallë dhe të larmishme muzikore. Pa marrë parasysh zhanrin, aty do gjeni edhe preferencat tuaja! Sidecar Factory Club, është një vend i popullarizuar për indie rock. Klubi i Xhazit Harlem ka pasur koncerte pesë netë në javë që nga vitet 1980. Për ju të cilët keni shije më klasike, shkonio në Shtëpinë e Operas Liceu ose Simfoninë e Barcelonës.
(5) Ushqime dhe Vallëzim
Asnjë vizitë në Barcelonë nuk do të ishte e plotë pa një turne ushqimi ose një shfaqje vallëzimi! Ky turne 3 orësh ju çon në Lagjen Gotike për të provuar tapat më të mira të imagjinueshme pasi keni parë një shfaqje tradicionale të flamencos.
(6) Shijoni Qytetin Falas
Ne ju rekomandojmë të shëtisni poshtë Las Ramblas de Barcelona – bulevardi më i famshëm i qytetit. Gjithmonë ka interpretues në rrugësh të cilët luajnë muzikë dhe bëjnë art live. Nga plazhet në muzikë, dhe turnetë audio falas, ju mund të merrni shumë kulturë pa paguar asnjë cent.
(7) Shfaqjet e mbrëmjes mesjetare
Të Premten dhe të Shtunën në mbrëmje, pallati mesjetar Palau Requesens mirëpret vizitorët me darkë dhe një shfaqje. Një nga pallatet më të mëdha mesjetare në rajon jep një shfaqje luftërash me shpata, vallëzime dhe lojëra që më përpara ishin burim argëtimi për mysafirët.
Shënim: Dërgoni një email përpara rezervimit tuaj për të kërkuar menunë e fëmijëve ose nëse keni kufizime dietike.
(8) Lundrimi me jaht
Për tu ndierë më luksozë, mund të merrni një jaht për të lundruar ndërkohë që shijoni pamjen e pakrahasueshme të perëndimit të diellit e tranzicionit të ngjyrave.
(9) Turneu La Pedrera gjatë natës në Gaudi
Ndërtesa moderniste e njohur si La Pedrera ishte një rezidencë private e projektuar nga Gaudi për familjen Mila dhe tani është kthyer në një atraksion i njohur turistik.
Mund të vizitohet gjatë ditës deri në 20:30 (8:30 pasdite).Në orën 21:00 (21:00), La Pedrera rihapet për një përvojë mbrëmjeje me The Origins, një shfaqje që nxjerr në pah oxhaqet spirale dhe tiparet unike arkitektonike.
10) Clube
Blerja e një karte turistike si Barcelona Night Card është opsioni perfekt për këdo që kërkon të zbulojë sa më shumë nga jeta e natës në Barcelonë. Me këtë kartë, ju keni hyrjen falas në 20 klube nate. Kini parayssh se duhet të jeni 18 ose 21 vjeç për të hyrë në të gjitha klubet e listës.
Ekstra: Loja e Barcelonës së “pushtuar” nga fantazmat
Edhe pse një turne tradicional i fantazmave mund të jetë mjaft argëtues, ka edhe mënyra të tjera për të mësuar më shumë në lidhje me historitë drithëruese të Barcelonës. Kjo lojë është si një gjueti interesante e cila ju ndihmon të zgjidhni enigmat, ndërkohë që mësoni rreth historive të vërteta të krimit të vendit.. Mund ta shkarkoni në linkun:
Aventurat 